Attachment of crop

Maine 27/7/2011 ko apni mother se ek kheti ki jamin pura paisa dekar khareedi thee. Jiski regd sale deed bhee karai thi aur 2/9/2011 se iska mutaion bhi mere nam par hai . Mera ek bada bhai ziaulhaq hai . Woh sale deed ke bare me tabhi se janta hai . Aur mera kabja dekhta aya hai . 21agust 2015 ko meri mother ka dehant ho gaya . Uske bad mere bhai ne civil court me sale deed ke cancellation ka suit admit kiya . Lekin jab use laga ki use wahan kamyabi nahin milegi to usne tehsildar se milkar mera mutation cancell karadiya aur mujhe pata bhi nahin chalne diya. Jab main apni gehun ki fasal katne gaya to usne jhagda kiya aur kaha maine tera mutation cancell karadiya hai ab main adhi jamin ka malik hoon aur adhi fasal meri hai . Iske bad maine khatouni nikali to mujhe pata chala ki 2/2/2016 ko mera mutaion cancell ho chuka hai . . Fir maine apne waqil se pairvee karwai to tehsildar ne order kiya ki 2/2/2016 ka order non speeking hai aur aapatti karta third party hai isliye is order ko stay kiya jata hai . Yeh order lekar main pulice staion gaya aur police ki help mangi to incharge ne kaha pehle sdm ka order lao. Fir main sdm ke yahan gaya sdm ne tehsildar aur thane ko janch ke order kardiye. Patwari ne moke par jakar padosiyon ke bayan liye to padosiyon ne bataya ki fasal maine apne bataidar se buai hai aur jamin par mera hi kabja chala araha hai . Iske bad mere bhai ne janch dobara karane ki permission leli ab ki bar mere bhai ne do teen padosion par dabav banakar jhoothe bayan karadiye ki fasal dono bhaiyon ne Boi hai . Lekin janch karta ne apnee report me ek line yeh bhi likhi ki gupt jankari lene par par pata chala ki fasa mere dwara hi Boi gayi hai . Thane ki janch report me fasal mere dwara Boi gai dikhai gayi . Jab report sdm par pahunchi to sdm mere wakil ko sune bina hi 145 aur 146 crpc lagakar fasal ko kurk karne ke order kar diye . Maine iske khilaf jila jaj ke yahan revision dalwadia . Lekin wahan abhi tak bas tareekh hi mil rahi hain case age nahin badh paraha hai . Jiski wajah se ek to meri fasal 30 din late kati gayi jiski wajah se mujhe bahut nuksan hochuka hai . Ab mujhe agli fasal bone ki permission leni thi to adalat me 30 june ki date lagadi . Main janna chahta hoon ki sdm ne kewal fasal ko kurk kiya tha ab fasal katkar tehsil me jama ho chuki hai kya sdm saheb agli fasal bone ki permission desakte hain ya jila jaj ke yahan se hi milegi. Kya main apna case high court le ja sakta hoon ?