Sir mere dada ji k banyaaye ghar me patidaar hissa maang rahe hai

AAdarniya Mahodaya Saadar Namaskaar Mai deoria(u.p) se hu, sir mere gaon k dada ji k ghar k liye patidaaro se vivaad chal raha hai,kripya uchit kanooni salaah de,mai bahut garib background se hu aur bohot pareshaan hu, sir mere dada 2 bhai the,unke pas ek jameen jo mere dada k pita ji ki the jiska batwara unhone gaon k pancho ki sahayta se aapas me baithkar kar liya tha,,jis samay hamare dada ki pushtaini jameen ka batwaara hua tha tab samaaj k pancho ne uss jameen ka batwaara kia tha,aur batwaare k baad koi likha padhi nahi ki gayi the,pancho k faisle par dono paksho ki razamandi li gayi the aur dono paksha batwaare se satisfied the,iss batwaare ka koi record kahi kisi gram panchayat k register me maintain nahi hai, na hi koi kaanooni likha padhi karwayi the,wo jameen me,jameen k batwaaare k baad mere dada ji ne 40 year pahle uss zameen par kachha ghar banwa liya tha aur uss samay mere chote dada ya unke family members ne kisi prakar ki koi aapatti nahi ki the, year 1991 me dada ji ne pakka ghar banwa liya tab bhi kisi ne koi aapatti nahi kiya,humare pakke ghar ka town tahsil se pass naksha hum logo k paas hai 1991 ka. kintu mere chote dada ne jinhe unke hisse ki jameen d gayi the unhone uss jameen ko chorkar,uske peeche ek aur jameen khareed li the aur uspar ghar banwakar apne hisse wali pushtaini jameen ko khaali hi rahne diya uspar koi construction ni karwaya,,abb mere dada aur chote dada dono expire ho chuke hain,mere chote dada k ladke ne apni pushtaini zameen aur new khareede hui zameen jispar ghar banwaya hua hai dono ka computerized registration tehsil office k bhulekh record me karwa liya hai kintu hum logo ne nahi karwa paaye the. abb mere chote dada ka ladka abb se 40 year pahle huyi batwaare ko nahi maan raha hai aur hum logo k ghar me se aadha hissa maang raha hai, aur fyr se humare ghar ka vertically(khada khada ) batwara karwana chahte hain,unn logo ne nagar paalik nigam se koi kaagaj bhi banwaya hua hai jisme likha hua hai ki humare hisse waale makaan ka batwaara nahi hua hai,humara ghar (15x40) sq.foot ka hai.uski aurut jabarjasti mere ghar me ghusne ki kosis karti rahti hai,, hum logo ko apne dada k makaan me rahte huye 40 year ho gaye hain ,,mere pita ji k paas 38 year ka ghar k house tax ki receipt hai,aur electricity k bill aur water bill ki bhi receipt hai,,pushtaini zameen ka batwra karne waaale pancho me se kewal 2 hi jeevit hain baakiyo ki death ho chuki hai,,humra pariwar m.p. me rozi roti k liye rah raha hai,aur mere chote dada ki bahu mere ghar ka tala todne ki dhamki de rahi hai jab kabhi hum log gaon jaate hain to humare ghar me jabarjasti ghus kar gaali galoj kar k ukssne ki kosis karti hai,jisse ki kisi jhoote case me fasa saake,mere chote dada k ladke ko kamane k bahane ahmedabad bhej diya hai aur khud mahila hone ka fayda uthakr maar peet ki kosis karti hai,,kripya ucchit salah de ki kis prakaar se hum unlogo par kaanooni action le sakte hain, ,mere dada ji ka death certificate hamare pas hai,mere daadi jeevit hain aur humare family members ka naam gaon k ration card aur voter list me bhi hai.sir ek baat aur ki humari pushtaini jameeen ka khasra jiska batwaara hua tha uska khasra tahsil se nikal ni pa raha kyu ki purana record urdu language me hai aur iss samay tehsil me koi urdu koi translater ni hai.gaon k chairman ne kaha hai ki 1-2 month me khasra nikalwa denge. Sir abhi hum log apne dada k ghar ka vaarisnaama banwaane me lage huye hain, jisse ki kutumb register me naam darj ho sake.sir kya mere pita ji ka apne dada k banaae ghar me poora maalikana haq hai naa?? aur sir abb hume unn logo par legal action lene k liye sabse pahle kya karna chaiye?? please please suggest.